Кейде дарын иелері де асыра сілтеп жібереді. «Артық қыламын деп, тыртық қылды» деген осы да!
Қытайдың Xinhua ақпараттық агенттігі жақында Сучжоу қаласында бір ғимараттың құрылысы бітеді деп хабар берді. «Шығыс қамалы» атауын алып үлгерген ғимарат, өкінішке орай ойдағыдай болмай шықты. Ғимарат үлкен шалбарға ұқсап қалған.
Сәулетші бұл жаңалықтан кейін әр тараптан келген сыни көзқарастың астында қалды десек те болады. Қытай блогерлерінің арасында «Бұл ғимарат шығыс қамалы емес, шығыстың шалбары деген атау алуы керек" деген сөз гуілдеп тұр.
Биіктігі 278 метр болатын «есік» «Suzhou Chianing Real Estate Co., Ltd» компаниясының туындысы. Сәтсіз үйдің ішінде кеңсе, дүкен, пәтер, қонақ үйлер болады деген жоспар бар. 8 жылдан бері соғылып келе жатқан ғимарат биыл ашылады. Оған 700 000 000 АҚШ доллары жұмсалыпты. Құрылыс менеджері Ксу Канг бұл жобаны толығымен ақтап алғысы келеді. Мұндай стиль, оның айтуы бойынша, саябақ есіктерінің және ежелгі қытай қалаларының қамалына ұқсайды екен.
Ал Сеулдегі вело-ғимараттарға келсек...
«Asymptote Architecture» Нью-Йорк компаниясының құрылысы әжетхана қағазына ұқсайды. Биіктігі 153 метр болатын егіз-ғимарат 30-қабат төңірегінде асылып тұрған көпір арқылы бір-біріне жалғанады. Онда фитнес-орталықтар мен кеңселер, қоғамдық зал мен бассейндер, одан қалды түрлі демалыс орындары мен қолдан жасалған саябаққа дейін бар екен.
Оңтүстік Кореядағы «Бұлт» ғимараты
MVRDV сәулет компаниясы Кореяда тура Нью-Йорктегі 9/11 атауын алған, қазірде жойылған егіз-ғимараттар секілді ғимарат соғуды ұсыныпты. Тіпті ұшақ соғылған кездегі сәтті еске түсіретін шаң-тозаң бұлтын да жасау ұмытылмаған.
Ғимараттың жалпы көлемі 128 мың шаршы метр. «Бұлт» 10-қабатта жасалған. Онда бассейн, мейрамхана, кафе және конференция өткізу залдары бар. Бір қызығы, құрастырушылар жанып жатқан ғимаратқа ұқсап қалғандығын білмегендіктерін айтып, кешірім сұрапты. Жоба әлі аяқталған жоқ, сол үшін де оның болашағы беймәлім қалып отыр.
