Бұл айырмашылықтарды ажырататындай, мен бұрынғы заманда өмір сүрген жоқпын және қазіргі заманды өмір сүріп жатсам да, көп білемін деуден аулақпын. Десе де, аздаған пікір қалдырайын:
Бұрынғы қазақ халқы көшпенді халық принципімен өмір сүрген, бұл мәдениеттің негізі мен түп тамырын қалаушылардың көп бөлігі де біздің халыққа тиесілі. Дала заңы - баба заңы. Кейін, отырықшылық мәдениеті, капитализм, демократия ұғымдары ентелей қоғамға кірді. Қазір осы екі мәдениеттің араласуымен, қоғам өз өмірін жалғастыруда.
Сол баяғы ескі моральмен өмір сүретіндерді, қоғамда шеттету факттері бар, тиісінше оларға басқа бір қоғамдық талаптарды сақтау қиын.
Екінші топ, олар екі қоғам ерекшелігін де араластырып, жаңа заманғы үлгіде ұстанып жатқандар.
Үшіншісі, мүлде жаңа қоғамға беріліп кеткендер. Түрлері қазақ, әрекеттері қазаққа жат.
Бірінші және үшінші топтағылар аз. Ортаңғы топтар да өзінше іштей тармақталып, өздерінше деңгейге бөліп талдауға болады.
