Еуропалық ғалымдар «йогурт денсаулыққа пайдалы, ағзаны сауықтырады» деген ұғымды жоққа шығарыпты. Бұл зерттеуді азық-түлік өнімдерінің қауіпсіздігі бойынша құрылған еуропалық мекеме анықтаса керек.
Олар әртүрлі биотиктері бар йогурттар мен сусындар адамның ас қорту және иммунды жүйесіне ешқандай әсер етпейтінін анықтаған екен. Зерттеушілер осы өнімдерді өндірушілердің «йогурттардың пайдасы қандай?» деген мәселені анықтауды сұраған 800-ден астам өтінішін қарап, бұл ақпараттың жалған екендігін дәлелдепті. Ал, тауар өндірушілер мәселені тәуелсіз сараптама комиссиясы арқылы зерттетпек ниетте көрінеді. Бұл еуропалықтардың көтеріп жатқан мәселесі. Біздегілер қандай екен ә?! Бәлкім, қазақтың айранына жетер дүние жоқ шығар…
