Мен әрине, бұл пікірді жаза отырып, ешкімнің намысына тиюді мақсат етпеймін. Ешқандай да мүддені көздемеймін. Барлық адамның жеке наным-сенімі мен көзқарасын сыйлай отырып, тиісінше менің көзқарасыма сыйластық білдіруін талап етемін.
Былай ғой, әр заман өзінше дамып отырды. Жиырмасыншы ғасырда-ақ ғылыми ашылулар, техникалық революциялар орын алып, дін ығысып қалды. Міне, мен құдайдың барына сенемін. Бірақ, ешқандай дінге сенбеймін.
Классикалық және кванттық физика ғылымдарының заңдылықтарын мойындаймын. Осыны негізге ала отырып, психология, философия, мораль және басқа да толып жатқан өмірлік процесстерге осы ғылымның заңдылықтарын пайдаланғанды ұнатамын.
Соғыстың ең көбі - дін үшін болып жатыр. Адамның басындағы проблемның көбі де діннің көптеген шектеулі қағидаларының кесірінен болуда. Мен дін жаман демеймін, бірақ дінсіз де өмір сүруге болатынын айтқым келеді. Дінсіз адам жабайы, бетімен кеткен дегеннен аулақ болған дұрыс. Адамгершілік ортақ моральдік сыйластық, зайырлық деген бар. Көптің сөзіне емес, көзбен көріп барып пікір айтқан дұрыс-ау адамдар бір-бірі туралы. Очм, қатынас стереотиппен емес, әрекетпен бағалануы тиіс деген ойдамын.
