Сұрақ қызық) Әрине, маған қызық болып көрініп тұр. Жалпы, Қазақстан деген жәй ғана атау ғой, ол тірі адам емес.
Жалпы, Қазақстан (СССР мемлекеттерін қосқанда), материктегі адамзат жетістігі мен еркіндігін аз бағалайтын территория. Әсіресе, СССР аумағының исламды қабылдаған аумағы мүлде артта қалып кеткен елдер деп ойлаймын. Ол жақтарда бос көкірек, агрессияны көп бағалайды. Өнер, ғылым, білім деген тамаша жетістіктерді бағалайтындар өте аз. Соның кесірінен, оларды бағалайтын елдердің жеткен жетістігінің өнімдерін қымбатқа сатып алады. Қарапайым мысал, осы аталған территорияның бір қарапайым отбасын алсақ, олар балаларына осы мектепке дейінгі жасы ғой, бұл баланың психологиялық қалыптасатын кезі, жөнді тәрбие мен үлгі беріп, жаманнан аулақ болуы үшін, өзіміз баланың көзіне дұрыс көрінейік, бір-бірімізбен дұрыс қатынасып, мейірімділік танытайық. Адам баласы ғой, жаңадан бұғанасы қалыптасып келеді, қателеседі, қателіктері мен балалық қылықтарына кешіріммен қарап, оның дұрысы қалай болады, соны жөнмен көрсетейік деудің орнына, ұрып түзетпек болады. Қарағым, майысқан темір немесе пластикті түзетпек болып ұрса сынбай ма, қазақ айтқан, темірді қызған шағында соқ деп, яғни үкілеп қосқан үмітіңіз нағыз қызған шағында керемет мотивациялық қолдау көрсетсеңіз, балаңыз тау қопаруға әзір. Тірлікке үйретейік, қарапайым тазалық пен гигиенадан бастап, жеке басты, тән саулығы мен сұлулыңына назар аударсын, ауласын жинақы ұстап, ағаш, өсімдік, гүлдер баптап, айналаны жайнатып ұстап, аулада тұрған үйдің әр қабырғасын қалай тік тұрғызылуы керектігін үйретейік деудің орнына, диванда жалпайып жатып алып, ТВ-ден тарайтын құсық проблеманы көруге әуес. Әрине, өмір деген керемет, ал екіншісі айтады, өмір деген қиын деп. Екеуі де дұрыс, бұл екеуінің бірін таңдау - адамның өз еркіне қалдырылғаны ақиқат.
Рас, біздің қоғамның бет бейнесі - елдің экономикасы, ғылым, білім сапасы мен жалақысынан көруге болады. Және, егер кімде-кім біздің қоғам керемет деп есептесе, әрине қуана білген адамға ырза болып, қуанышы шынайы болсын дегеннен басқа айтар жоқ. Ал, егер адам өз қоғамына көңілі толмаса, жылай бермей, ортаға өзі шығып үлгі болсын! Тарихта бұндай тәуекелге барған адамдар өте көп.
Жалпы, өз ойың - өз өміріңді қалыптастырады дегеннен басқа айтар жоқ.
Егер әр нәрсеге алаңдай берсе, адамның өмірі мәнсіз, құсыққа айналады. Және тағы, бұл уайымдар іс арқылы дәлелденбесе, адам өзін құртумен қатар, бұл ойын басқаға айту арқылы, басқаның да санасын улайдеее)))
