Әрине, әркімнің пікірі әр түрлі. Мен өз басымнан өткізіп жатқан оқиғаларан жазып өтейін:
1. Егер өзіңізге нақты пайдасы тимесе, ешкімге уәде бермеңіз.
2. Уәде берсеңіз, сол арада бірден немесе барынша қысқа уақытта шешіп тастап, келесі тірлікке көшіп кетуге тырысыңыз;
3. Ақша жүрген жерде, іс жүреді, айырбас жүреді. Достық сенім жүреді, бірақ "достық" деп тегін жасатып алғысы келетіндерден аулақ болыңыз.
4. Талапшыл болыңыз. Адаммен бір істі келіскенде, ол әңгімеде сіз жеңу үшін, өз шартыңызды қойып кету керексіз. Жеңіс - Сіздікі!
5. Уақытты қадірлеңіз. Әр күннің әр сағатында не істегеніңізді тіркеп отырыңыз, оған бір минут қана уақытыңыз кетер. Алайда, өз өзіңізді бақылауда ұстасаңыз - дұрыс жолдан адаспау ықтималдығы жоғары болады.
6. Және ең соңғысы - еркін болыңыз. Еркіндік - өзіңізге пайдасы тиер және өз иелігіңіздегі дүниелерге, істерге жауапкершілікпен қарау!
7. Жауапкершіліктің нәтижесін көріп, рахатқа бату - нағыз рахат дегеннен басқа айтар жоқ. Ол әрине, рухани байлықтан бастап, объектілік (ақша, көлік, үй) байлыққа дейінгі дүниелер деген ойдамын.
Адам көзі де көңілі де қанағатсыз болып келеді. Десе де, түсінбеген адам, біреудің көлігін, үйін байлық деп түсінуі мүмкін. Бірақ ол дұрыс емес, ол тек контрольдің бір жолға қойылғандығы және жауапкершіліктің нәтижесі дер едім. Сонымен, бұл жерде тағы бір теорияны жоққа шығаруға тырысамыз, ол - байларды жаман адам деп ойлайтын жолы болмаған лузерлердің пікірі! Қорқақтардың сөзін мың рет естігенше, бір рет өзің барып көру әлдеқайда дұрысы дер едім.
Сәттілік!
