Бүгінде өтінде тас пайда болып,содан зардап шегіп жүргендер баршылық. Бұл жағдай науқасқа аса жайсыз тиеді. Өйткені бұл кезде асқазан асты безі, бауыр, асқазан, аш ішек те зардап шегеді. Әсіресе операцияарқылы өт қабын ашып тастағаннан кейін адам 3-тен 6 айға дейін түрлі қабынулардан зардап шегуі мүмкін. Осы кезде ағзада ферменттік ашығу пайдаболады. Бұл кезде адамның тамаққа тәбеті төмендеуі, тіпті жоғалуы да мүмкін, ас ішкенде қорыта алмай қиналады, ауызда күйік дәмі сезіледі, ауыз құрғайды, іш ауырады, кекіргенде аузынан тамақ иісі немесе күлімсі иіс шығады, іші қатады немесе бұзылады. Кейде адам тамақ ішіп болған соң құсып тастайды. Көптеген адамдар операциядан кейін дәрігер ескерткен нәрселерді ұмытады, қажетті диета ұстанбайды, көптеген қателіктер жібереді. Егер мұндай кезде адам дұрыс тамақтанбаса, асығыс, шикілі-пісілі, құрғақ тамақты жиі ішсе, ауруы қайта асқынады. Бір сипатты тағамды үнемі пайдалану, ұйқыға тыңқия тойып жату, қуырылған ащы, өткір дәмді тағамдарды көп ішу, алкогольді ішімдікке тым әуестік ас қорыту органдарының жұмысын ауырлатады, оларды артық күшжұмсауға мәжбүрлейді, нәтижесінде ішкі ағза мүшелерінің қосалқы күші сарқылады, ас қорыту мүшелері жұмысының үйлесімділігі жойылады. Тағамның ағзада жылжуы, қимылы баяулайды, ас қорытуға қажетті фермиттер де өз қызметінен жаңылады. Өтте тас түзілуі көбіне созылмалы гастритпен қатар жүреді. Өйткені асқазанда тұз қышқылынан басқа да ферменттер түзіледі. Осылардың бірі – пепсиноген. Ағзада баяу қозғалыста болатын ол тұз қышқылының әсерімен тағам құрамындағы ферменттерді ыдырататын белсенді ферментке айналады. Ал гастрит асқынғанда бұл процесс баяулайды да, асқазанда, ішекте және өттегі ферменттер әсерімен ыдырауы тиіс ақуыздар нашар сіңіріледі, сөйтіп ішектің кілегей қабатын зақымдайды. Сондықтан ол мұндай заттардан тезірек құтылуға тырысады, ақырында іш бүлінеді. Астың дұрыс қорытылмауы созылмалы панкреатитте де кездеседі, бұл кезде асқазан асты безінің ферменттер бөлінуі тежеледі. Ол бел аумағында ауырсыну және іш бұзылуы арқылы белгі береді. Мұндайда адамның үлкен дәреті сұйылып, көп мөлшердешығады. Ол көбіктеніп, толыққорытылмаған аспен шығуы дамүмкін. Фермент жетіспеушілігікіші дәреттің саз балшық сияқтанып, жабысқақ болып бөлінуіне де себеп. Ферменттік жетіспеушілік байқалған кезде науқас дәрігербекіткен режимді қатаң сақтауытиіс, ферменттерді толықтыратын препараттар ішуі керек. Диета сақтау қажет. Мұндай кезде іш ауруын, іш кебуін, іш бұзылуын, жүрек айнуын күшейтетін тағам атаулыдан бас тарту қажет. Сырқаттанған ағза мүшесіне пайда болған кінәраттан өз күшімен арылуға мүмкіндік жасап, демалыс беру керек. Ақпарат http://www.zamana.kz/index.php?option=com_content&view=article&id=4323:ottegi-tas&catid=1:latest-news&Itemid=62 осы жерден алынды.
