Бізде қазақ жастары мектепте жүргенде спортпен айналысады. Тіпті республика чемпиондары да болып жатады. Одан кейін мектепті бітіріп, университетке түседі де, оқудан қолдары тимей, спортты тастап кетеді. Себебі спорт деген уақытша ғана нәрсе, өмір бойы спорт төңірегінде жүретін адамдар өте аз. Көптеген бұрынғы спортшылар қазір күндерін көре алмай жүр. Соны көріп-біліп жүрген қазақ жастары спортты қайтсін? Одан да білім алып, маман болайын деп ойлайды. Екінші айтатын нәрсе, спорт денсаулыққа зиян. Травма алу, сүйек сыну, буындар созылып немесе ет жыртылып кетудің бәрі де спорттың екінші жағы.
