Мамандық: 5В073100
ҚОРШАҒАН ОРТАНЫ ҚОРҒАУ ЖӘНЕ ӨМІР ТІРШІЛІГІНІҢ ҚАУІПСІЗДІГІ
Бітірушіге «Қоршаған ортаны қорғау және өмір тіршілігінің қауіпсіздігі» академиялық дәрежесі беріледі.
Мамандық аясындағы білім беру бағдарламасы (мамандандыру):
• Өрт және өндірістік қауіпсіздік;
• Қоршаған ортаны қорғау (экологиялық қауіпсіздік)
Біліктілік талабына сай университетті 5В073100 мамандығымен бітіргеннен кейін бакалаврлар Еңбек және ТЖ департаменттерінің қызметкері, сонымен бірге Төтенше жағдайлар, қоршаған ортаны қорғау министрліктерінде және барлық кәсіпорындардағы әлеуметтік қорғану және еңбекті қорғау қызметтерінің маманы ретінде, соның ішінде энергетика және телекоммуникация салаларында (Мысалы: "Қазақтелеком" АҚ, «КEGOC» АҚ, "Алатау Жарық Компаниясы" АҚ, "KazTransOil" АҚ, "Тенгизшевроил" ЖШС, "Қазмунайгазэнерго" АҚ, "Кентау ТЗ" АҚ, "Siemens-Kazakhstan" ЖШС және т.б.) қызмет ете алады.
Бакалаврлардың кәсіби қызмет саласы еліміз экономикасының барлық салалары, атап айтсақ: энергетика және телекоммуникация; әскери-өнеркәсіптік кешені; ауыл және коммуналдық шаруашылықтар; өндіру және тұтыну салалары; тіршілік қауіпсіздігі, қоршаған ортаны қорғау, төтенше жағдайларда қорғану бойынша мемлекеттік органдарда және экологиялық қызметтері болып табылады.
Бакалаврлардың кәсіби қызмет объектілері :
• табиғатты құраушы, техногендік, әлеуметті, ақпараттық жүйелер және олардың құраушыларына әсер ететін кәсіпорындар мен ұйымдар;
• су, жер, биотикалық және өзге ресурстар қоршаған ортаны қорғау тіршілік қауіпсіздігінің анықталатын факторлары;
• технологиялық жүйелерді, тораптарды, енгізу және пайдалану, сонымен бірге төтенше жағдайлардан қорғануды әзірлеумен айналысатын ұйымдар;
• өртті, экологиялық, химиялық, радиациялық және де басқа қауіптерді болдырмауға мүмкіндік жасайтын жобалау институттары, бюро, фирмалар және экономиканың басқа объектілері.
Кәсіби қызметтерінің түрлері
5В073100 мамандығының бакалаврлары төмендегі кәсіби қызметтерді атқара алады:
• Өндірістік-технологиялық
- тіршілік қауіпсіздігі, қоршаған ортаны қорғау және төтенше жағдайларда қорғануды жүзеге асыру үшін тағайындалған, технологиялық жүйелерді, желілермен жабдықтарды әзірлеу, ендіру және пайдалану;
- тіршілік әрекетінің қауіпсіздігін және қоршаған ортаны қорғауды қамтамасыз ететін шараларды енгізу кезінде техника-экология-экономикалық тиімділікті бағалау;
- кәсіпорындардың, ұйымдар мен азаматтардың шаруашылық және өзге қызметінің сараптамасы және аудитін жүргізу.
• жобалау қызметі
- құрылысын, құрылымын және әрекет ету принципін техникалық экологиялық-экономикалық тұрғыдан түсіндірумен тіршілік әрекеті қауіпсіздігінде және қоршаған ортаны қорғауда пайдаланылатын сұлбаларды, аспаптарды, аппараттарды және жүйелерді әзірлеуге және жобалауға техникалық тапсырмаларды дайындауға қатысу;
- тіршілік әрекетінің қауіпсіздігіне және қоршаған ортаға қорғауға қатысты нормативтік-техникалық және нормативтік-экологиялық құжаттаманы әзірлеу.
• ұйымдастырушы-басқару қызметі
- ағымдағы жұмыс бойынша және келешекке мақсаттар қою және міндеттерді тұжырымдау;
- кәсіптік қызметке қатысты, техникалық және экологиялық құжаттама жүргізу;
- тіршілік әрекетінің қауіпсіздігі туралы нормалармен ережелерді әзірлеу, сондай-ақ шаруашылық және өзге қызметті жүргізу кезінде оларды орындау тәртібін анықтау.
• тәжірибелік-зерттеу қызметі
- жұмыс аймағының, қоршаған ортаның, табиғи қорлардың нақты күйін өлшеуді және тексеруді жүргізу, олардың сапасын басқару, ағымдағы және ұзақ мерзім кезеңдерге болжау жүргізу, нәтижелерді талдау;
- тіршілік әрекетінің қауіпсіздігі, қоршаған ортаны қорғау, төтенше жағдайлардың алдын алу салаларындағы әдістер мен бағдарламаларды әзірлеуге және жүзеге асыруға қатысу;
Кафедраның материалдық-техникалық базасы:
• өндірістік санитария, электр қауіпсіздігі және төтенше жағдайлардың алдын алу бойынша оқу-зерттеу зертханалары ;
• «Өндірістік экология» ғылыми-зерттеу зертханасы;
• компьютерлі - телевизиялық аудитория.
5В073100 - «Қоршаған ортаны қорғау және өмір тіршілігінің қауіпсіздігі» (бакалавр, оқу мерзімі - 4 жыл) мамандығы аясында білім беру бағдарламасы бойынша оқытылатын пәндер тізімі
