Талапкердің қандай құқықтары бар?
Талапкер, процестің негізгі қатысушысы ретінде бірқатар құқықтарға ие:
іс материалдарымен танысуға, олардан үзінділер және көшірмелер алуға;
қарсылықтар білдіруге;
дәлелдемелер ұсынуға және олардың зерттелуіне қатысуға;
іске қатысушы өзге тұлғаларға, куәларға, сарапшыларға және мамандарға сұрақтар қоюға;
талап-тілектер білдіруге, соның ішінде қосымша дәлелдемелер талап ету туралы;
сотқа жазбаша және ауызша түсініктемелер беруге;
сот процесінде орын алған барлық сұрақтар бойынша өз уәждерін келтіруге, сот жарыс сөздеріне қатысуға құқылы.
Сіз сол сияқты талап арыз негізі мен мәнін өзгертуге, талап арыз мөлшерін көбейтуге және азайтуға, жауапкермен бейбіт келісім жасасуға немесе талап арыздан бас тартуға құқылысыз.
Талап арыздан бас тарту – бұл кері жүрмейтін процесс. Оған өте мұқият болу керек. Себебі бір рет бас тартып, Сіз сол негіздер бойынша және талап арыздың сол мәні бойынша қайталап арыздана алмайсыз.
Талапкердің міндеттері қандай?
Сіздің талапкер ертінде белгілі бір міндеттеріңіз бар. Сіз өзіңіздің процессуалдық құқықтарыңызды адал пайдалануыңыз керек; сот мәжілісінде белгіленген тәртіпті сақтауға, соттың өкімдерін орындауға және сотқа құрметпен қарауға міндеттісіз.
