Суицидке қазіргі таңда жастар көп барады. Себебі қазіргі заман талабына сай ақпараттық құралдар көзі мен жаңалықтардың көптігі соншалық, олар өздерінің замандастарынан қалыс қалмау үшін, үлгермей қалмау үшін жанталасады, олардың алдында өздерін көрсету үшін ұмтылады. Егер өздерін көрсете алмаса, оған барып тұрған "ұят, масқаралау" деп есептейді. Ал егер қалыс қалып жатса, өздерін көрсете алмай қалса, сол титімдей ғана нәрсені қиыншылық ретінде қабылдап, өздеріне өздері проблема туғызады. Осы проблемалардан, қиындықтан шығудың бір амалы ретінде өзіне-өзі қол жұмсауға барады. Әрине бұл істі біздің елімізде алдын алып жатқандар да бар. Бірақ еш нәтижесіз. Өйткені өзіне-өзі қол жұмсау жылдан жылға көбейіп келуде.
