Әріптестердің әңгімесінен:
– Кеше түнде біздің үйге ұры түсіпті.
– Ұсталды ма?
– Оны «Жедел жәрдем» алып кетіпті.
– Қалайша?
– Мен үйге таңға жуық келгенмін, ұры менің алдымда келген ғой. Әйелім оны мен екен деп оқтаумен басынан ұрып құлатыпты.
Бойжеткен қыздар кездесіп қалады:
– Маған жақында «күйеуге шықшы» деген ұсыныс жасалды.
– Қойшы, рас па? Ол кім болды екен?
– Әке-шешем...
Сот залында:
– Сіз не себептен базарда тұрған мына әйелдің сүтін ұрлап қаштыңыз?
– Мен ол әйелдің сүтін ұрлаған жоқпын.
– Енді кімнің сүтін ұрладыңыз?
– Сиырдың...
Ағылшынның әйелдері «ай лав ю» деп, бір бала табады. Орыстың әйелдері «я люблю тебя» деп, әрі кетсе, екі бала тауып береді. Қазақтың әйелдері «әрі жатшы, әрі жатшы» деп, «Алтын алқа» иегері атанады.
Екі қалалықтың әңгімесінен:
– Алматыда велосипедпен жүру сәнге айнала бастағанын білесің бе?
– Әрине, онымен көшедегі шұңқырлардың арасынан өтуге ыңғайлы емес пе?
Кедендегі тексеру:
– Арақ, шарап, темекі, анаша, гашиш?
– Рақмет, маған бір кесе кофе де жетеді...
Әріптестердің әңгімесінен:
– Кеше түнде біздің үйге ұры түсіпті.
– Ұсталды ма?
– Оны «Жедел жәрдем» алып кетіпті.
– Қалайша?
– Мен үйге таңға жуық келгенмін, ұры менің алдымда келген ғой. Әйелім оны мен екен деп оқтаумен басынан ұрып құлатыпты.
Екі суретшінің әңгімесінен:
– Кеше сурет көрмесіне барып едім, көруге болатын жалғыз сурет сенікі екен.
– Қалғандары нашар ма екен?
– Жоқ, қалған суреттердің алды – құжынаған адам.
Ауруханада жатқан науқастардың палатасына бір адам кіріп:
– Өткен айдың жиырма бесінде кім анализ тапсырып еді?
– Мен!
– Бойыңыздың өлшемі қандай?
– 1 метр 75 сантиметр.
Әлгі адам жазып алып, кетіп бара жатқанда науқас соңынан:
– Дәрігер, сонымен анализім не болды?
– Мен дәрігер емеспін. Мен табыт жасайтын ұстамын
