ПЛАСТИКАЛЫҚ ТЕРЕЗЕ – АДАМ ДЕНСАУЛЫҒЫНА ЗИЯН Соңғы кездерi үйлерге, пәтерлерге, коттедждерге жөндеу жұмыстары жүргiзiлгенде, мiндеттi түрде терезелерге пластикалық терезе салу сәнге айналды. Тiптiжаңа салынған үйлердiң барлығында дерлiк пластикалық терезелер бар. “Үйге шаң кiрмейдi...”, “Экологиялық таза заттан жасалған” дейдi бұларды сатушы компаниялар. Жақында ресейлiк бөлмедегi ауаны жаңарту жөнiндегi сарапшылар пластикалық терезенiң адам денсаулығына өте зиян екенiн дәлелдедi. Пластикалық терезенiң саңлауы жоқтығынан даладан таза ауа кiрмей, бөлме iшiндегi шаңдар көбейетiн көрiнедi. Бұл пластикалық терезеге қатысты бiр ғана мысал. Оның бұдан да басқа керi әсерлерi толып жатыр. Терезелердi ашып, бөлме iшiндегi ауаны тазартамыз ғой, бiрақ, оны күнде жасай бермейтiнiмiз рас. Егер бөлмедегi ауа тартқыш вентиляция әлсiз болса, онда үйдегi ауа да ылғалды болады. Ылғал болған жерде, әрине, нешетүрлi микробтар (көгередi, сыз тартады және т.б.) жүредi. “Соңғы онжылдықта астма, аллергия, онкологиялық аурулар және терi ауруларыныңкөбеюi – үйлердiң, пәтерлердiң, коттедждердiң iшiндегi ауаның,адамға жақпайтын климаттың салдарынан”, – дейдi немiс ғалымдары. Мамандар пластикалық терезеден бас тартып, ағаш (даладан таза ауа кiргiзетiн) терезе орнатуға немесе пластикалық терезеге ауа жiберетiн клапан орнатуға кеңес бередi.
