Әлемде әрбiр оныншы бала солақай десек, жалпы бүгiнгi өмiрде солақайлықтың ешқандай зияндығы жоқ көрiнедi. Бокс пен теннисте қарсыласың қанша тұстан мықтымын дегенмен де, оның сол қолымен ұра алмауы солақайға үлкен мүмкiндiк бередi. Белгiлi теннисшi Сампрастың үнемi жеңiмпаз болу сыры, сөз жоқ, солақайлығында жатыр. Әйгілі теннисшілер: Джон Маккинрой, Моника Селеш, Мартина Навратилова – солақайлар.
Генетикалық жағынан солақай болып туылғандар ми қабатының жарты шарының арасындағы бөлiнiске байланысты ол өз қалауына орай солақай түрде әрекет жасамаса, мұның соңы түрлi ауруларға, атап айтсақ, кекеш, тұтықпа секiлдi науқастарға әкеп соқтырады екен.
Бiр қызығы, дарындылардың денi солақайлар арасынан шығатын көрiнедi. Себебi, психологтар оларда шығармашылық потенциал мықты деген баға бередi. Тарихта солақай бола тұра дарындылығымен танылған – Аристотель, Юлий Цезарь, Жанна д, Арк, Наполеон, Уинстон Черчилль, Пушкин, Толстой, Шопен, Чаплин, Леонардо да Винчи, Микеланджело, Исаак Ньютон, Марк Твен, Роберт Шума, Елизавета патшайым, оның ұлы Чарльз, немересi Уильям, Американың президенттерi – Рональд Рейган, Джордж Буш – ағасы, Билл Клинтон, Барак Обама, компьютер миллиардерi Билл Гейтс, Мэрилин Монро, Джулия Робертс, Пол Маккартни, Сильвестр Сталлоне, Том Круз, Николь Кидман, Селин Дион, Эминем… сынды көптеген тұлғалар бар болса, Нұрғиса Тiлендиевтiң домбыраны сол қолымен тартатынын дүйiм қазақ бiледi. Есімі белгілі қазақтардың ішінде де солақайлар баршылық.
