Question

Қоныс тойға бата керек тез..............

Answer 1

Баспана батасы

Әмин, деп қол жайып,

Бата берем толғанып.

Баспанаңды бітірдің,

Еңбегің жанып оңдалып.

 

Жиһаз толсын ішіне,

Дос сүйсінсін ісіңе.

Мерейленіп ұйықтаңдар,

Жұмақ кіріп түсіңе.

 

Биік болсын төбесі,

Будақтасын өңеші,

Мықты ұстасын ағашы,

Әрбір қаққан шегесі.

 

Бақыт құсы үйірілген,

Той кетпесін үйіңнен.

Асқақтай бер қашанда,

Осы жақсы күйіңмен.

 

Қонақ кетпей үйіңнен,

Мерейің тасып өрлегін.

Отбасыларың аман боп,

Қиыншылық көрмегін.

Әмин, Аллаһу Әкбар!

Answer 2

«Отан – отбасынан, отбасы – ошақ қасынан басталады» деген екен бабаларымыз. Ал сол ошақтың иесі - әйел, ал отбасының иесі – сол үйдің ері. «Еркек – шаңырақтың иесі әрі асыраушысы» - деп бекер айтпаған ғой.

   Бүгін міне, жаңа үйге қоныс аударып, «Қоныс тойын» жасап жатырсыңдар. Олай болса үй иелеріне тілерім: өздерің табалдырығын жаңа аттаған жаңа үйлерің берекелі, ырыс мол, қыдыр қонған үлкен үйге айналсын. Шаңырақтарыңда тек қана той болсын дегім келеді.