Халық емі:
Қабақтың айналасы қызарып, ісіп, ауыра бастаса, яғни теріскен шығатынын сезсеңіз, ыстық суға салып сығып алынған орамалды сол жерге басу керек немесе түймедақтың (ромашка) сұйық тұнбасынан компресс жасауға болады;
Қалың дәкеге зығыр дәнінің қайнатпасын орап басуға болады;
Алоэ жапырағының сөлін басуға болады. Ол үшін өсіп тұрған алоэ өсімдігінің жапырағын кесіп алып, жуып, мұздатқышқа 2 сағатқа қою керек, сөйтіп үгітіп, сөлін сығып алып, қайнаған жылы суға (1:10 қатынаста) араластырылған тұнбамен сүртуге болады;
Теріскен шығайын деп келе жатқанда 2-3 күн бойы шикі сарымсақтың бір бөлігінің қабығын аршып, сөлімен қабақты сүртуге болады;
Піскен жұмыртқаны көлденең бөліп, суып қалмай тұрғанда сарысын алып, ағын ауырған көзге қою керек. Жұмыртқаның ағы суығанша ұстап тұрыңыз. Көзіңізді дұрыстап жұмып тұрыңыз;
Теріскенді таза алтын бұйымдарымен де (мәселен, сақина, күміс бұйымдары нәтиже бермейді) сүртуге болады;
Екі көзді де қою шәймен шаюға болады.
толығырақ:http://kaz.classtime.kz/node/1112
