Сонымен интернет магазин дегеніміз — интернеттегі өзінің немесе басқа адамдардың тауарларын тікелей немесе аукцион ретінде ұсынатын сайт.
Күнделікті өміріміздегі магазиннен зат сатып алудың айырмашылығы және ең бастысы ол уақыт үнемдеу, ақша үнемдеу т.б. толығырақ төменде айтып өтеміз. Сонымен қатар оның сервистері көп және ол магазиндерде тек онлайн магазин ашқан адам ғана емес сонымен қатар қарапайым халықта ақша таба алады. Ол енді басқа, қазір тақырыптан ауытқымайық.
Енді оларға келтірілген (танымал деген)мысал сайттар:
Қазақстандық сайттардан: alser.kz, logycom.kz, slando.kz(жаңа), allegro.kz т.б.
Шет елдік сайттардан: ebay.com, amazon.com т.б.
Сұрақ: Интернет магазин арқылы зат сатып алған тиімді ме?
Жауап: Тиімді жағы көбірек.
Тиімді баға жағынан, тиімді уақыт үнемдеу жағынан т.б. сонымен қатар ұнамсыз жағы да жоқ емес. Өніңдегідей таңдау жасамайсың, мысалы киім болса киіп, оның қалай тұратынын көріп, ал басқа техника болса, оның қалай жұмыс жасайтынын, т.б. Ал егер онлайн алған тауарыңыз ойдағыдай шықпаса, оны қайта жіберіп, басқасын алуға да уақыт кетеді. Сондықтан тауар таңдағанда өте ұқыпты болған жөн!
Негізінде(көп жағдайда) интернет магазиндерде арзан болады (бағасы әркезде әртүрлі пайызда, сонымен қатар мен барлық инт.магазиндерді айтпадым, айтқаным сондағы ең үлкені ebay.com мен amazon.com) бірақ кейде қолыңызға жетем дегенше өз тұрғылықты жеріңіздің бағасына таяп қалады. Ал кейде асып та кетеді, сондықтан бәріне де мән берген жөн. Міндетті түрде келуге дейін бәрін есептеген жөн, білмегенді тауар егесімен байланысып немесе сайттың қолдау орталығымен сұраған жөн.
Оданда мен де қалай болғанын айта кетейін:
Мен өзімнің нетбукіме(ноутбуктің кішісі) батарейкасын іздеген болатынмын. Шымкент қаласындағы Эврика магазинінде оны тапсырыспен (заказ) 24 000 теңгеге (басқа магазиннен жақсылап іздегенде 12-16 мыңнан табылып қалуы мүмкін) аралығында 1-1,5 айда әкеліп береміз деді.
Сонымен басқа жолын іздеп, eBayToday.ru сайты арқылы алуға бел будым. Ол сайт басқа интернет магазиндермен сізге делдал болатын сайт. Қанша өзіне тиесілі етеді? енді оны төменде біле аласыздар…
eBayToday.ru сайттының мені қызықтырғаны олар:
1. webmoney(интернет кашелек) арқылы ақша қабылдайтыны
2. сайт орыс тілінде(өзіме түсінікті)
3. онымен қоса қолдау орталығы жақсы қызмет көрсететіні қызықтырды.
Интернет магазиннен мен алған делдал сайты арқылы алу, ешқандай біреудің көмегінсіз, көп нәрсе білмей тұрып бірінші мәрте алмақшы болған адамға оңай екенін айтып өтейін. Сіз егер еш білмесеңіз, кем дегенде ақша аудару жағын білгеніңіз жөн, немесе басқа адамдар арқылы аудартқызсаңыз болады, ал қалғаны өзіңіз ақ істейсіз деп ойлаймын егер әрине егер жеткілікті сауатыңыз бар болса.
Сонымен батарейка 4200(28$) теңгеге ebay сайтынан табылды. Webmoney арқылы ақшасын төлеп, сол сәттен олар(делдал) бір күннің ішінде АҚШ-тағы қоймаларына(складтарына) әкелді, одан мен оны орау тәсілін, қандай тәсілмен акелу керектігін(кеме, ұшақ т.б.), мекенжай, т.б. толтырдым. Сосын бір күнге толмай олар мен айтқанды дайындап жолға аттандырды. Осы сияқты тауармен не болып жатқанын eBayToday.ru сайтындағы өз аккаунтыңызда бақылай аласыз.
Маған тауар 18 күн 17 сағатта жетті. Негізінде 17 күн 17 сағ, себебі шымкент қаласының почта бөлімі менің мекенжайымды таба алмапты, содан қоңырау шалып хабарласты, сұрағаным бойынша осыған тура келді(17 күн 17 сағ).
Қорытынды:
— Нағыз тауар бағасы 4200т(28$)
— Делдалдың комиссиясы 1200т(10$)
— Жеткізуге (11$)
Тауарға менен бәрін есептегенде 7350(49$)+4$(шамалағандағы webmoney комиссиясы) = 7950 теңгедей кетті. Менің жағдайымда уақыт пен ақша үнемдедім.
Сонымен делдалдың(eBayToday сайтының)ыңғайлысы, бірінші зат алып отқан адамға(егер тікелей алу жолын білмесе), және әр магазиннен, әр қаладан складқа жинап қойып, алар заттарыңның бәрін бір жолата жіберуге(яғни алуға) ыңғайлы екенін ұқтым. Бірақ складта да тауарыңыз тегін(күндік ақшасы бар) жатпайтынында ескерген жөн.
Қосымша сілтемелер:
[balgalym.aitaber.kz]Ebay-ден қалай сатып алу керек? Сілтемесі мұнда
[surak-zhauap.kz]Интернет арқылы тапсырыспен сауда жасаған адамдар бар ма екен араларыңызда?Сілтемесі мұнда
[shophelp.ru]Почему выгодно покупать в интернет-магазине?Сілтемесі мұнда
[otvety.google.ru]Покупки в интернет-магазинах. Выгодно или опасно? Где покупать, а где нет и почему?Сілтемесі мұнда
Өкінішке орай бар жазғаным осы, мүмкін сіздердің жазған пікірлеріңізбен еске түсіріп айта жатармын.
Қанекей былай жасайықшы, әркім өзінің алған заттарымен, өз ойымен бөлісейікші. Айтабероқырмандарына нұр үстіне нұр болар еді.
Мысалы қысқаша айта кетсеңіз:
Интернет арқылы не заттар алдыңыз?
Қай сайт арқылы?
Осымен неше мәрте алуыңыз?
Неше уақытта келді?
Заттар көңіліңіздер шықты ма?
Жалпы интернет арқылы зат алудың оң, теріс пікіріңіз.
Мүмкін болса, суретімен. Қане? Бөлісе отырайық айтабершілер ))
Төменде суреттер енгіздім мүмкін керек болар деп.
АЛ, ИНТЕРНЕТ АРҚЫЛЫ ОЙДАҒЫДАЙ САУДА ЖАСАУЛАРЫҢЫЗҒА СӘТТІЛІК!
Құрметпен,
Жарылқасын Берікбол.
Ақпарат көзі. http://aitaber.kz/blog/interuser/2701.html
