Бұл байдың баласымыз, немесе қаншықтық деген мақсатта емес. Мысалы жасыратыны жоқ, менің құлағымда тесілген. Үйде 5 ұл бала, 3 қыз баламыз. Біздер ата анамыздың соңғы перзенттері болғандықтан ол кезде кішкентай едік. Апаларымыз көп қыз болғанын қалады ма, әлде қызық көрді ме, менің құлағымды тесуге, бояндыруға құмар еді. Қазір соның әсері тиді деп айта алмаймын. Себебі бетіме мүлдем бояу тигізбеймін, құлағымның тесігі бітеліп қалғанына жылдардың жүзі болды. Тек шашымды ғана өсіремін де, әр түрлі шаш үлгілерін жасатамын. Бірақ шаш өсіргендердің бәріне қызтеке немесе қаншықтық деп қарау қисынсыз. Ал байдың балдары тестіріп жатса, оларда қыз сүйе алмай, қыз сүйсем деп ырымдап тесетін болар, ол жағын нақты білмеймін. Солай болуы да мүмкін ғой. Мысалы, бай тұратын адамдарға Аллах байлықты берсе, нәресте бермеуі мүмкін. Жалпы көбінесе, ұл балдардың құлағын кішкентайынан тестіріп жатады. Ертеңгі күні не болады, оның сыртынан әңгіме, немесе сын айтылады деп ойламаса керек. Құлағы тесілгендердің барлығы майысқақ бола бермейді. Қазіргі заманда кейде адам көркі шүберек болып жатса, кейде адам көркі жылтырақ болып жатады. Әдемілік үшін тестіруіде мүмкін. Ал бұлардың барлығы күнә не күнә еместігін дөп басып айта алмаймын. Жалпы бір естігенім, адам баласы денесіне темір сияқты нәрселерді іліп жүруге болмайды деген. Менің ойым осындай.
