1.Бала туылғаннан кейін Сіз тиісті құжаттарыңызбен тұрғылықты жеріңіз бойынша Зейнетақы төлеу жөніндегі мемлекеттік орталықтың (бұдан әрі - ЗТМО) бөлімшесіне барып, келесі төлемдерді:
1) Мемлекеттік әлеуметтік сақтандыру қорынан (бұдан әрі - Қор) бір жасқа дейінгі баланың күтіміне төленетін әлеуметтік төлемді (бұдан әрі - ӘТбк);
2) мемлекеттік бюджет есебінен баланың туылуына орай төленетін бір реттік жәрдемақы тағайындауға өтініш білдіре аласыз.
ҚР «Міндетті әлеуметтік сақтандыру туралы» Заңының 23-2 бабына сәйкес, ӘТбк тағайындау үшін өтінішке:
1) жеке басын куәландыратын құжат;
2) тұрғылықты жері туралы мәліметтер (азаматтарды тіркеу кітабының көшірмесі не мекенжай бюросының анықтамасы, не ауылдық (селолық) округ әкімінің анықтамасы);
3) баланың (балалардың) тууы туралы куәлігінің көшірмесі, сондай-ақ оларды салыстыру үшін түпнұсқалары;
4) салық төлеушінің куәлігі;
5) әлеуметтік жеке код берілгені туралы куәлік;
6) отбасы құрамы туралы мәліметтер;
7) екінші деңгейлі банкте шот ашылу туралы хабарлама қоса беріледі.
Сонымен, ӘТбк тағайындау үшін бала туылғанға дейінгі күнтізбелік жиырма төрт айдағы табысыңыз туралы анықтама ұсынудың қажеті жоқ.
2. ҚР «Балалы отбасыларға арналған мемлекеттік жәрдемақылар туралы» Заңына сәйкес, баланың туылуына орай төленетін бір реттік мемлекеттік жәрдемақының мөлшері баланың туу реттілігі мен тиісті кезеңге белгіленген айлық есептік көрсеткіштің мөлшеріне байланысты анықталады, яғни:
- бірінші, екінші, үшінші баланың туылуына орай - 30 айлық есептік көрсеткішті (АЕК) немесе 48 540 теңгені;
- төртінші және одан да көп баланың туылуына орай - 50 АЕК немесе 80 900 теңгені құрайды.
2012 жылдың 1 қаңтарынан бастап 1 АЕК мөлшері 1 618 теңгеге тең.
