Аса құрметті Нұрсұлтан Әбішұлы!
Мен, Атырау облысы Индер ауданының тұрғыны зейнеткер барлық өмірімді педагогика саласына яғни жас ұрпаққа білім мен тәрбие беруге арнаған анамын.
Ұзақ жылдар бойына өзім туып өскен Индер ауданының көркейуін, өңіріміздің әлеуметтік –экономикалық дамуына, медицина және педогогикалық ахуалын дұрыс жолға қоюда ащыда болса –шындық- іздеп жүрген анамын.
Құрметті Нұрсұлтан Әбішұлы!
Сізге бұл хатымды жолдау себебім Атырау облысы Индер ауданына жаным ашығандықтан аудан әкімі Серік Арыстанға бірнеше рет бардым еш нәтиже оң шешімін таппады. Керісінше мені «арызқой», «алжыған кемпір» атандырып жиын-тойда, отырған қонақтардың арасында жарнамалауды әдетке айналдырып алды. Атап айтар болсам: Халықпен кездесу жиынында немесе есеп беру жиындарында беттен алып, адами қасиеттерге жат дөрекі сөздер айтып бюрократтығын басым қойып сөйлеуі. Аудандағы бөлім басшылары мен округ әкімдерін «алым алу» жолдарымен тағайындауы және білімі мен сауаты таяз азаматтарға басқартуы. Оған мысал: Өрлік округі әкімін яғни Иманғалиев Қайратты бұрын сотталғансың деп жала жауып орнына басқа ауылдан Сабиров Ерболат деген азаматты тағайындауы. Ал, бұрынғы әкім бұрын сотталмағандығын Жоғарғы сот кеңесімен дәлелдеп шықты.
Ал, ауданның Тұтынушылар құқығын қорғау басқармасының басшысы Шолпан Ержанова, статистика басқармасның басшысы Әділгерей Сәкенов, жер бөлімінің басшысы Бағытжан Ниязов, әлеуметтік қамту бөлімінің басшысы Мерует Нұғмановалар күндізгі жұмыс уақыттарында кафелер мен мейрамханаларда жұптасып отырып арақ ішеді сонда елбасының тапсырмасын кім орындайды? Менің түсінігімде бұлардың барлығы мемлекеттік қызметкерлер.
Ауданның білім бөліміне Берік Шакимов деген азаматты тағайындады. Бұл Берік Шакимов деген азамат Сәкен Сейфуллин мектебінің директоры қызметін атқарғанда «жемқорлықпен» сотталып, істі болған адам. Бұл жігітімізде не білім туралы заңды, не қаржы саласын тіпті мектеп басшыларының қайда жүргенімен бейхабар бүгінгі күнім өтіп тек айлық еңбек ақыға тиесілі ақшамды қолыма ұстасам болды деп жүрген санда бар сапада жоқ азамат. Барсаң орнында болмайды үнемі әкімшілікте жүреді. Жақында ғана «Ақ Жайық» үнқағазына Ләззат Қаражанова сіңіліміздің мақаласы шықты, онда Индер аудандық Білім бөлімінің есепші, бухгалтерлері ұстаздардың еңбек ақысынан яғни 1 400 000(бір миллион төрт жүз мың) теңге қаражатты өзара сөз байласу арқылы жымқырғандығы анықталған. Оның ішінде білім бөлімінің басшысыныңда немесе аудан әкімініңде үлесі жоқтығына кім кепіл? Өзіңіз сыбайлас жемқорлыққа қарсы күресті қолға алып, қатаң бақылау жасап отырғанда шалғайдағы аудандар ойына келгенін жасауда. Аудандық Нұротан партиясының төрағасы Өтепберген Оразғалиев деген інімізде ешқандай беделде жұмыста жоқ. Білімі арнаулы орта баққаны қыз-келіншек, ішкені арақ. Ертеңнен кешке дейін далада шылым шегіп тұрғанды қатты ұнататын азамат. Көшедегі жаяу жүргіншілерді тоқтатып алып өсек тереді ал аудан әкімі сол «өсекті» үлкен әңгімеге айналдырып қарапайым халыққа тиіседі. Осылайша Ө.Оразғалиев өзіне ұнамайтын адамдардан өшін осылай өтірік шыны аралас жеткізген өсегімен аудан әкімі С.Арыстан арқылы алады.
Міне Индер ауданындағы өзіңіз көшбасшы болып отырған партияның халық алдындағы беделі осындай
Құрметті Нұрсұлтан Әбішұлы!
Сөзімді дәлелдеу үшін тағы бір мысал: 20-наурыз 2016 жылы өткен ҚР-ы мәжілісімен депутаттарын сайлауда тағыда аудан әкімі С.Арыстанның бұйрығымен (ауызша) әрі (жасырын) алдағы уақытта жұмыс жасағыларың келсе менің айтқан азаматтарымды өткізесіңдер мен олардан алатынымды алып уәде беріп қойдым деп тапсырма беруі. Оған дәйекті мысал: Жарсуат сайлау округінен депутаттықа кандидат, бұрынғы депутат жоғарыда аталған Өтепберген Оразғалиев өтеді деуі. Ал кандидаттармен кездесуде Жарсуат ауылының тұрғыны Жеңіс Шакимов халықтың атынан сөйлеп Ө.Оразғалиевқа қарсы екенін өткен бес жыл ішінде ешқандай уәде орындалмағанын бетіне басып ашық айтсада қара халықтың қалағаны Сағынтай Кереевті өткізбей аудан әкімінің тапсырмасымен қолдан бюллетен салу әдісімен Ө.Оразғалиевтің депутат болып өтуі. Ал, Оразғалиевтің сайлау алды бағдарламасы сол кездегі облыс әкімі Б.С.Ізмұханбетовтың 2017-2018 жылдары аяқталып пайдалануға тиісті жоспарлы жұмыстарын көшіріп өз сайлаушыларын тағыда алдап отыр. Бұған дәлел «Дендер» үнқағазының 11 ақпан 2016 жылғы №6(8053) санында жарияланған С.Халықтың «Айшықты істер-аймақ аттары»,-атты мақаласында жазылған. Аудан әкімі С.Арыстанның алым алып, арнайы ұсынған шайханасы, жеке қожалығында жылқысы көп, кәсіпкер, кафе немесе мейрамханасы бар депутаттар халықтың мұңын, жоғын жоқтайды дегенге аудан халқы сенбейді. Осы әкім ініміз келгелі «айрандай ұйып» отырған Индер ауданы өсекпен арызға үйір болып алды соған қарағанда «өсек» пен «алып қашты» әңгімеге жақын жігіт-ау деп халық ойлайды тіпті соңғы кездері ұйқтап отырғой деп ұнатпайтында кейіп танытып жүр.
80-жылдық тарихы бар Индер ауданының орталығы Индербор кентінің ажары мен сәні кеткелі қанша жыл болды. Азып-тозып шаршаған үйлер, шұрқ-тесік орталық көшелерін көрсеңіз көзіңе еріксіз жас аласың. Аудан тізгінгін ұстап, ел басқарып отырған азаматтардың отырған жерін көрсеңіз, жапсарлас салынған аудандық Нұротан партиясының сыртқы келбетін көрсеңіз Сізді үлкен ұятқа қалдыратынына сенімім мол анамын. Аудан орталығында жалғыз өнер мектебі бар. Сол мектепте С.Арыстанның әйелі «көркемсөз» класы деген өтірік класс ашып (өзі қалада тұрады) бірақ еңбекақы алады міне әділ әкім қайда? Талан-таражға түскен қоғам қаржысы қайда кетіп жатыр? Ал әкіміміз С.Арыстан болса мен өз ауданым Махамбеттен тойхана/ресторан/ ашып өз бизнесімді бастаймын сол тойхана біткенше отырсам болды Индердің мен үшін болашағының қажеті шамалы деп жар салады. Сонда әкімдер 4-5 жыл тек жеке қалтасын толтыру үшін келеме деген ойда қалған аудан халқы қобалжу үстінде.
Аса құрметті Нұрсұлтан Әбішұлы!
Соңғы 3-4 жылда шашырап, әлсіреп ажары қашқан Индер ауданын зерттеп-зерделеп өзіңіз басшылық жасап шешіп бермесеңіз жағдай өте мүшкіл, құлдырап әлсіреп тұрған жағдайын халық атынан айтқым келеді.
Құрметті Нұрсұлтан Әбішұлы!
Біз, Индерліктер Сіздің «Қазақстан жаңа жахандық нақты ахуалда: өсім, реформалар, даму»-деп аталатын жолдауыңыздың іске асқандығын көргіміз келеді.
Дұрыс нақты оң шешімін қабылдайды деген үлкен сеніммен Индер халқы Сізден үлкен үміт күтеді.
Құрметпен Габдуллина Ғайни
Зейнеткер ұстаз
Индер кенті
