2012 жылдың 1-қаңтарындағы жағдай бойынша мемлекеттік борыш пен барлық нысандағы меншік субъектілерінің борыштарын қамтитын Қазақстанның жалпы сыртқы қарызы 123,8 миллиард АҚШ долларын құрады. Бұл жалпы ішкі өнімнің 66,6 пайызына тең. Парламент Мәжілісінде өтіп жатқан Үкімет сағатында Қаржы министрі Болат Жәмішев осылай мәлімдеді. Қазір барлық елдердің сыртқы борышының жиыны 59,4 триллион доллармен бағаланады. Ал, әлемдік елдермен салыстырсақ, Қазақстан борыш көлемі бойынша 36-орында тұр. Қаржы министрі осылай деді.
