Ардақ, сен есің бар қызсың ғой, мамама айта алмаймын деген не сөз? Қазақта мақал бар, ауыр да болса жазайын, ренжіме: "Ауруын жасырған өледі"-дейді, Құдай одан сақтасын. Денсаулық деген ойыншық емес, бір бұзылса қалпына келтіру қиынға соғады, алдын алу керек. Өстіп жүріп асқындырып алсаң не болады, әні мамаңды сол кезде ая. Алла бетін аулақ қылсын. Міндетті түрде тексерілу керек, мүмкін майда-шүйде шығар, сен оған бәрібір ойланып жүйкеңді тоздырасың, ол да жақсы емес.Негізі денсаулықта майда-шүйде болмайды сондықтан да дәрігерге қарал. Қазір жылына бір рет тексерілу тегін, еш проблема жоқ.Қанша жасырсаңда сенің қабағыңдағы кірбіңді анаң байқамауы мүмкін емес, ол кісіні олай қинама. Халық еміне қарсылығым жоқ, бірақ маманның аты маман, себебі ол мына дамыған заманның қолда бар аппараттарымен сенің іш-құрылысыңды өз көзімен көре алады, және тура диагноз қояды.
