Question

Елдігіміз бекем, бірақта мені мазалайтын сауал мыналар. Келешек тізгінді ұстайтын  жастарымыз жайлы. Көпке топырақ шашпайын  ибалы да  иманды патриот жастарымыз баршылық. Көңіл қыңжылтатыны басын көпшілігі тілінен, дінінен безгендер.
Дискотеканы мешіт деп ойынхана мен сауықхананы үйім деп, шет елдің әуеніне иіліп, телехикясына жылап жатқан жастардан не үміт, не қайыр. Шылымға басын иіп, есірткіні сүйіп, салиқалы қарияны  теуіп жатқан ұрпақтың түрі мынау. Бірін-бірі жүзге бөліп, түнгі көшені кезіп, иттей үріп жатқан болашақтың жүрген жүрісіне мойын бұрып қараңыз.
Арын ақшаға сатқандарды  атап айтпасақта мына қоғамға белгілі.
Келер ұрпаққа  насихат, ақылын беретін  ақсақалың анау, құранды емес шарапты дос етіп, баласымен жасты қызбен төсектің дәмін татып  жатыр. Балық  басынан  шіріп жатса, аңғал ұрпағың не болмақ.
"Сырты бүтін ,  іші түтін"- деп осыны айтса керек.  Жастар ойланайық, толғанайық. Қазақ дейтін айбарлы елдің  намысын  еш уақытта таптатпайық.

Answer 1

Тарихта қай тұнбадан былғанбадық,

Мысалды отырғам жоқ тыңнан алып.

Орысша оқымаса өспейді деп,

Баланың тәрбиесін бұрмаладық.

Ресейлік «Алланың» әнін сүйіп,

Ал, Алланың Құранын тыңдамадық.

Еуропаға ес-түссіз еліктеумен,

Ақиқаттың ақ жүзін тырналадық.

«Құдай жоқ» деп құтырған пенделердің,

Қолын алып, төсіне гүл қададық.

Хақ дінді қайтып Алла бермегенде,

Судай боп сіңер едік құмға барып.

Мұхамеджан Тазабеков

Answer 2

Әрине жастар лайық. Бірақ, дәмді астан татып, жұмсақ жерге жатып қалған дөкейлермен көкейлер жылы-жұмсақ жерін босата ма екен? Жастарды қолдайық дегенде керім көкейлер, қолдап емес дарынды жастарды қорлап жатыр. Амалы таусылған жастардың бүгінгі сыйқы мынау. Оқуда пара, жұмыста пара,  пара беріп туылып, пара беріп өлетін де жастар боп тұр қазір. Билікте, бұқарада жастарды кінәлайды. Кері тартқан жастардың оңға қарай қадам басуыда қиын. Өзге ел жастарды қолдап, жастардың болашағын туылған сәтінен ойлайды. Біздің ел керісінше... Амал нешік,  жастықта өтіп кетер маршурттай боп...