Джеки Чан (陳港生) - Атақты әртіс, каскадер, кинорежиссер, продюсер, сценарист, әнші.
Джеки Чан 1954 жылы 7 сәуірде Гонконг қаласында кедей отбасында дүниеге келген. Оның шын есімі Конг-Санг Чан, Гонконгтан шыққан деген мағынаны білдіреді. Ата-анасы тақыр кедей болғандықтан, болашақ әртіс бала күнінде аштықты талай бас-тан кешкен. Кейін ата-анасына жұмыс табылып, Австралияға қоныс аударғанда, 6 жасар Джеки отанында қалып, Қытай жабық драмалық академиясына оқуға қабылданады. Ол кезде академия оқушылардың ата-анасымен шарт жасасып, егер бала әлдеқалай жарақат алып немесе қайтыс болып кеткен жағдайда оқу орны жауап бермейтінін мәлімдейді екен. Сөйтіп, тағдыр тәлкегіне қалған ол академиядағы нағыз қатаң тәртіптің тезіне түсіп, таңғы 5-тен тұрып, 16-17 сағат бойына созылатын тынымсыз жаттығулардың шыңдалуынан өтеді.
1971 жылы академияны бітіріп, кинодағы жолын каскадерліктен бастаған қайтпас қайсар Джеки Чан актерлік өмірде де небір аса қауіпті трюктерді өзі орындап, басын талай қатерге тіккен. Екі омыртқасын, мұрнын, аяғы мен қолын да талай сындырып, кеңірдегін жаралап, көзінен де айырылып қала жаздаған. Тіпті бас сүйегін де сындырып, өлімнен қалғанын жұрт біле бермейді. Сонымен қатар Джеки Чан әнші, көптеген киноларындағы әндерді өзі орындаған, 80 жылдардан бастап қазіргі күнге дейін 20 альбомды әндер жинағын шығарған. Бірақ, қалың жұрт Джеки Чанды әнші ретінде емес, әртіс ретінде таниды. 100-ден астам фильмдерде басты рөлдерді сомдаған. Ең алғашқы түскен киносы «Мәңгілік махаббат», «Жас жолбарыс». Осы актерлік өнердің, ерен еңбектің арқасында Джеки Чан әлемдегі ең бай адам атанып және көптеген табыстарға қол жеткізіп отыр. Ол мұқтаж адамдарға көмек беруден аянбайды, ЮНИСЕФ және Гонконг қаласындағы балалар үйіне 4,14 млн доллар өткізген.
[өңдеу]
Джекки Чан және аюлар
Чан Мырза Германияның Берлин қаласында «Жер шарының айналасында 80 күн ішінде» (Around the World in 80 Days) фильмін түсірген кезде, ол Бадди атты аюлар достастығы (United Buddy Bears) туралы біліп алды. Сол уақытта Бадди атты аюларды Берлин қаласының әр бұрышында кездесуге болды. Джекки түрлі түсті аюларға қызығушылық танытты да, аюлар туралы қосымша ақпарат алды. Алынған ақпарат бойынша, аюлар Берлин тұрғындары Клаус және Ева Херлицтің қолдарынан шықты. Аюлардың Джекки сияқты бір маңызды мақсаты – адам баласына келесі ұранды білдіру болды: адамдар гармонияда және бейбітшілікте өмір сүруі тиіс. Сонымен қатар, Бадди атты аяюлар игі қайырымдылық мақсатына арналған қаражат жинауға көмектесті. Чан бұл идеяны жақсы көріп, және 2004 жылы оның көмегімен Бадди атты аяюлар Гонконг қаласында шеңберге тұрды.
![enter image description here][1]
Джет Ли – Қытай киноактері, у-шу шебері. [1].
1963 жылы 26 сәуірде Бейжіңде дүниеге келген. 8 жасында мектепке барған. Өзге оқушылар сияқты бірінші сыныпты бітірген соң жазғы спорт лагеріне барып, сол жерде у-шуды үйрене бастайды. Демалыстан соң балалардың ішінде тек Лидің у-шуды жалғастыруын ұстаздары қатты қалайды. Сол сәттен бастап күнделікті жаттығулар басталады.
1972 жылы ұлттық чемпионатқа кез болып, «Үздік шебер» сыйлығын иеленеді.
1974 жылы Қытайда у-шудың үздіктерінің үздігін іріктеу сыны өтеді. Нәтижесінде 30 адамнан тұратын елдің Ұлттық құрамасы құрылады. Оның ішінде Джет Ли де бар. Топқа АҚШ-қа Қытайды таныстыру жүктеледі. Осы сапар оның өмірінде маңызды рөл алады.
1975 жылы 12 жасында оны үшінші чемпионаттың іріктеу турына жібереді. Сол жылы 4 алтын медальдің иегері болады.
1977 жылы Ұлттық жарыста Джет Ли у-шудан бірінші орын иеленеді. 18 жасында оны киностудияға шақырады. Алғашқы рөлін 1982 жылы «Шаолин ғибадатханасы» фильмінде сомдайды.
1987 жылы спортшы Хуан Цюяньға үйленген. Екі қызы бар. 1990 жылы ажырасқан. 1999 жылы Джет Ли Гонконг актрисасы Нина Ли Чиға үйленеді. Джейн және Джаду атты екі қызы бар.
![enter image description here][2]
[1]:
[2]:
