Құрметті Қазақстандық ҰБТ тапсырушылар! 2012 жылғы ҰБТ-ны соншалықты қиын деп айта алмаймын. Оқыған адамға еш қиындығы жоқ. Министр Жұмағұлов ағамыз осы тәсілді ертерек қолдануы керек еді. Шпормен, ұялы телефонмен түскен оқуды ары қарай қалай оқимыз деп жүрсіздер. Қазақ елі ондай студенттермен қалай дамымақ. Келешек ұрпаққа күлкі, таба боламыз. Оқуға шпормен түстіңіз делік. Қаншама профессор,академик, ғалымдар сабақ береді, оларды қалай игересіз. Жарайды, оларды да соткамен, шпормен алдадыңыз делік, диплом қолда, дәрігер, мұғалім, агроном болып қызметке келдіңіз. Емдеген адамыңыз жазылмаса, оқушыңыз ҰБТ тапсыра алмаса, еккен егініңіз шықпаса, Сізге елдің бәрі күледі ғой. Сонда не деп ақталасыз? Шпормен оқып едім дейсіз ба? Жоқ! Қазақстанға Бөкейханов, Рысқұлов, Байтұсынов аталарымыз сықылды білімдар азаматтар қажет. Сол үшін, Қазақтың ертеңі үшін, таза әрі терең білім керек. Министрді жамандап қателеспеңіздер. Әсіресе ата-аналар. Жұмағұлов қазақтың келешегі үшін, бәріміз үшін жасап отыр осының бәрін. Білімсіздік еліміздің, ұлтымыздың соры. Жаңылмаңдар, оқыңдар. Өздеріңнен кейінгілерге де осыны айтыңдар. Елдегі байлықты білім қазақ жастары игерсе нұр үстіне нұр емес пе Құрметті Қазақстандықтар!
