Сәлем достар. ҰБТ жақындап келе жатыр. Жас түлектердің құлағына алтын сырға ҰБТ-ке психологиялық дайындық.
1. ҰБТ-ге бір күн қалғанда еш нәрсемен айналыспа. Демал, көңіліңді көтер, емтихан жөнінде ұмыт.
2. ҰБТ алдында жақсылап ұйықтап ал.
3. Міне сен аудиторияға жақындадың. Тыныштал! «Мен тынышпын» деп бірнеше рет қайтала. Бірінші қатарда жауап беруге тырыс. Егер кірмей көп уайымдап тұрсаң, қорқыныш сезімі ұялап, қобалжисың, өзіңе сенімсіздік туындайды.
4. Ойларыңды жинақтап, эмоцияларыңды ретте.
5. Аудиторияға «Барлығы жақсы болады» деген сеніммен кір.
6. Жақсылап отырып, арқанды тік ұста. Өзіңді барлығынан жоғары деп сана. «Менде барлығы жақсы» деген пікірді ұстап, оны асықпай бірнеше рет қайтала. Соңында жұдырығыңды қатты қыс.
7. Қобалжуды жеңетін тыныс жолдарына арналған жаттығулар жаса:
— Жайлы отыр.
— Мұрын арқылы терең дем алу (4-6 секунд)
— Дем алуды тоқтатып (2-3секунд) отыр.
8. Тестілеу кезінде қажетсіз сұрақтар қоймау үшін, зейін қойып тыңды. Саған бланкті қалай толтыру, қандай әріптермен жазу, мектеп нөмірін қалай кодтау керек екенін түсіндіреді.
9. Жан-жағыңа көңіл аудармай, зейін тұрақтылығына тырыс. Сен үшін тек тесті орындау уақыты және тапсырма берілген бланкі маңызды. Тапсырманы соңына дейін оқы. «Тапсырманы бірінші сөздерінен түсінікті деп ойлап қалып, аяғын өзім ойлап табамын» деп асығыстық жасама.
10. Өзің сенімі сұрақтарға жауап берудеп баста. Сонда сен жұмыс жасауға дайын боласың. Кез-келген сұраққа жауап бере аласың, тек сен ойларыңды жинақта.
11. Келесі тапсырмаға көшкенде алдындағы тапсырманы ұмыт. Олар бір-біріне ұқсамайды.
12. Егер сен жауап беруге күмәндансаң, өзіңнің интуацияңа сен!
13. Өз жұмысыңды тексеріп шығуға уақыт қалдыр. Қателерді байқау үшін көзіңмен жүгіртіп өт.
14. Барлық тапсырмаларды орындауға тырыс, бірақ практика жүзінде мүмкін емес екенін есіңе сақта. Тестік тапсырмалар максимальды еңбектенуге арналған, ал жақсы баға алу үшін кемі тапсырмалардың 70% орындау керек.
ЖОЛЫҢ БОЛСЫН, ЖАС ТҮЛЕК!
