![description][1]
Лорен Зинеб Нока Тальхауи (швед. Lorine Zineb Noka Talhaoui, араб.: لورين زينب نوكا طلحاوي), Лорин (Loreen) лақап атымен танымал (16 қазан 1983, Стокгольмде дүниеге келді)[1] — шығу тегі мароккан-бербер шведтік әнші, Швецияның өкілі ретінде Еуровидение 2012 ән байқауының жеңімпазы.
Өмірбаяны
Өзінің шығармашылық жолын танымал шведтік «Idol 2004» музыкалық байқауында бастады. Байқауда төртінші орынға қол жеткізді.
2005 жылы «Rob’n’Raz» тобымен бірлесіп, өзінің «The Snake» атты дебюдтік синглін шығарды. Кейін «TV11» телеарнасының жүргізушісі ретінде болған.
2012 жылдың 10 наурызында Швецияда танымал «Melodifestivalen» телебайқауының жеңімпазы атанды. Осы жеңістен кейін, ол жыл сайынғы Еуровидение ән байқауына қатысуға құқығын алды.[2] Оның «Euphoria» өлеңі 24 мамыр күні екінші жартылай финалында орындалды және дауыс беру нәтижесінде әнші финалға шықты. 2012 жылдың 26 мамыр күні Әзірбайжанның Баку қаласында байқаудың финалы нәтижесінде 372 ұпай жинап Лорин Еуровидение 2012 байқауының жеңімпазы атанды.[толық ақпарат][2]
[1]:
[2]: http://kk.wikipedia.org/wiki/%D0%A1%D1%83%D1%80%D0%B5%D1%82:Loreen_Eurovision_winner.jpg
