Ер адамның міндеті - жанұсын асырау болып табылады! Сондықтан, жұмыс істеу біріншіден ерге міндет. Ер үйде отырса, онда ол ұсақ-түйекшіл болып кетеді, көрінген нәрсені шұқылап ер деген атынан тая бастайды. Ер - түздің адамы. Ердің басын төрге де, көрге сүйрейтін әйел заты! "Жаман әйел жақсы еркектің басын босағаға, жақсы әйел жаман еркектің басын төрге сүйрейді" деп бекер айтпаған ғой ҚАЗАҒЫМ!
Ал әйел адамға келсек, оның жұмыс істеуіне қарсы емеспін, бірақ, қыз бала тұрмысқа шыққанда бірінші нені армандайды? Нәрестелі болуды әрине! Нәрестелі болған соң оны бағып-қағу кімге міндет? Әрине анасына міндет! "Жұмақ кілті - ананың аяқ астында", "Төрт ұйқысын төрт бөлген анаңды арқалап Меккеге апарсаң да бір тұрған ұйқысын да қайтара алмайсың" дегендер бар. Баласын дүниеге әкеле сап, оның тәрбиесіне, өсіп-жетілуіне көңіл бөлмеу біздің қазақ қызына жат мінез негізі! Ал енді осы айтылған тәрбие, білім, денсаулықты кім береді балаға? Анасы әрине! Енді осыларды баласына бере алуы үшін анасы қандай болу керек? Әрине, тәрбиелі, білімді, денсаулығы мықты болуы тиіс! Тәрбиені тағы да кімнен алады? Өз анасынан әрине! Білімді қалай алады? Әуелі анасынан әрі қарай балабақша, мектеп, университеттен әрине! Денсаулықты қайдан алады? Денсаулықты өз анасының дұрыс тамақтандыруынан, дұрыс күтім көрсеткенінен алады! Кімге біреудің баласы керек еді? Әрине ешкімге! Өз анандай қамқор адам жоқ бұл өмірде!
