Вице-министрдiң айтуынша, ел
спортшыларына халықаралық
жарыстарда жақсы нәтиже
көрсету үшiн барлық жағдай
жасалған. Оқу-жаттығу
жиындары ойдағыдай өтуде.
Былтыр олимпиада
бағдарламасына енген спорт
түрлерiнен әлем
бiрiншiлiктерiнде 2 алтын, 7
күмiс, 6 қола медаль жеңiп
алған Қазақстан құрамасы
жалпы жүлделер саны
бойынша 14, ал, алтын
медальдар саны бойынша 22-
орыннан көрiндi. Бүгiнде
отандастарымызға тиесiлi
жолдамалар саны 51-ге жеттi.
Оларға жеке-жеке тоқталатын
болсақ, қазiргi таңда жеңiл
атлетикадан — 12, бокстан —
6, ауыр атлетикадан — 8, еркiн
күрестен — 4, ескек есуден —
5, грек-рим күресiнен — 3,
таэквондодан — 3, әйелдер
күресiнен — 2, велоспорттан —
2, спорттық гимнастикадан —
2, оқ ату спортынан — 2,
қабырғаға оқ атудан — 1,
көркем гимнастикадан 1
жолдама бар. Соңғы әлемдiк
бәсекелердегi нәтижелерiне
қарап, дзюдошыларымыз да
оншақты жолдаманы
иеленетiнiн аңғарамыз.
Олардың есiмдерi таяу күндерi
белгiлi болады.
Спортшыларымыз 2012 жылы
спорттың 24 түрiнен 50-ге
жуық лицензиялық жарыстарға
қатысады деп күтiлуде. Су добы,
жүзу, теннис, еркiн және грек-
рим күресi, бокс, ат спорты,
жағажай волейболы, көркем
гимнастика сынды спорт
түрлерiнен әлi жолдамалар
көбеюi мүмкiн. ҚР Туризм және
спорт министрi Т.Ермегияев
БАҚ өкiлдерiне: «Мен өзiмнен
бұрынғы әрiптестерiмнен
жоғарырақ нәтижеге қол
жеткiзгiм келедi. Үш алтын
медаль алуды жоспарлап
отырмыз. Жалпы, Лондон
олимпиадасына жолдамалар
санын 100-ге жеткiзсек деген
ой бар. Бұл межеден
көрiнуiмiзге спортшылардың
шамасы мен мүмкiндiгi толық
жетедi», — дедi.
