Кітаптың түрі өте көп, санай берсе, ішіне оқулықтар кіріп кетеді. Әдебиет түрі қажеттілігіне қарай - саяси-қоғамдық, жаратылыстану, экологиялық-техникалық, анықтама-бибиографиялық, көркем әдебиет т.б. деп топтала береді. Менің кітап деп ерекшелейтін жазбаларыма оқулық яки оқу-білім сипатындағы кітаптар кірмейді. Негізінен көркем әдебиетке көп мойын бұрамын. Оның ішінде тарихи романдар мен асем прозаларға тоқталам, новеллалар қызықтырады. Ұлттық сипатта, қазақылықты насихаттайтын жазба очерктер мен мақалаларды іздеп жүріп оқимын. Поэзия бұрын қызықтырмайтын, кейіннен қазіргі заманғы ақындардың өлеңдерін оқып жүрмін.
