«Мail.Ru Агент» әлеуметтік желісі арқылы кез келген адам шұғыл түрде хат алмаса алады. Соңғы кездерде «Мail.Ru Агент» құрылғысын ұялы телефондарда пайдалану мүмкіндігі пайда болып, байланыс тіпті жеңілдей түсті, деп хабарлайды Алаш Айнасы.
Жалпы, «Мail.Ru Агентін» 2003 жылы Mail.ru компаниясы дүниеге әкелді. Агентке кіру үшін тіркелген аты-жөніңіз бен құпия кодыңыз қажет. «Мail.Ru Агент» құрылғысы mail.ru, inbox.ru, list.ru, bk.ru доменін ғана қабылдайды. Одан басқа компаниялардың доменін қабылдамайды.
Mail.ru компаниясының мәліметінше, «Мail.Ru Агентін» бір айда 11 млн тұтынушы пайдаланады және де бір мезетте 2 млн адам желіде отырады. «Мail.Ru Агентінің» бүгінгі таңда түрлі нұсқалары бар. Бастапқы кезде 1.0 деген нұсқамен шыққан болса, бүгін 1.15.30 ұялы байланыс үшін жасалған нұсқалары бар.
